O roaming tari Makedonia startea taro 1 juli nane te važinel baši Albania, Kosovo, Srbia, Bosma thaj Gercegovina thaj Crna Gora.
Odova si kaj bašo 20 divesa saste ka realizirinel pe o kontrakto maškar o balkansko thema kaj i komunikacia ko mobilno telefonia maškar olede ka oven sar so si o moldia khere.
O kontrakto te tiknjaren pe o moldia ko roamingo o thema kergje le angleder duj berša thaj odova proceso sine kerdo pohari.
Persi berš taro 1 juli i moldi taro avutne akahrina mukhlja pe ko 1.5 denaria em ka ovel odoja moldi sa dži ko 1 juli akava berš kana o roamingo ka čhinavgjovel sa em odova na salde i komunikacia ko mobilno numa em ko mesažoa sar sms thaj ko interneti.
Saste čhinavipa o moldia ko roaming si anglošarti so i Makedonia thaj o avera 5 thema ko regiono trubul te keren odova resarinaja te avel dži ko punkti anavkerdo sar “roaming sar khere” thaj e themencar tari Europakiri Unia.
