O kinobikiniba e čhavencar ko thema taro Paščimalo Balkani trujal jurisdikciakere thaj praktikane konsekvence lende ko akala berša majodoriga isi len progresi. I pandemia taro Kovid 19 kergja o čhave te oven čhivde ko kinobikiba, sebepi i progresivno ekonomsko nasiguriteto, bizi buti thaj limitirimi phiriba. Akava sine notirime ko avgodive tari dujdivesengiri regionalno konferenci “Barabutno aktiviteto ko Paščimalo Balkani ki protektiva e čhavenge taro kinobikiba manupencar thaj eksplotacia” organizirimi ko pervazia tari barabutni programa e Europakiri Unia thaj o Konsili e Europakoro „Horizontal Facility bašo Paščimalo Balkani thaj Turkia 2019-2022“, kote than lena pobuter taro 130 džene taro regioni thaj buvleste.
O čhave taro thema taro Paščimalo Balkani si akti tro kinobikiniba sebepi diferentno faktoria tari eksplotacia: Seksualno eksplatacia, konektiribaja thaj produciriba rm distribucia taro materialia so si le seksualno teleperaviba taro čhave, zorea prandina, bukjarni eksplotacia, zorea mangipa devlenge thaj zorea kerde kriminalitetoa.