Ko dujtodi 13 juli počmingja čhingar maškar duj policajcoa ko civili em jekh lokalno romani familia ki diz Ze Gonkalves.
O incidenti rezultiringja mudaripaja e duj policajcoa thaj duj Roma . I policia tegani pičmingja kampanja te paldel sa e romane familien tari akaja diz kote isi paše
340 000 dizutne en ki sasti teritoria e themake Bahia.
Premal o lokalno mediumia majhari 6 Roma sine udarde a 15 ratvarde O aver dive i policia mudargja jekhe 14 beršengere Rome.
Odoja tragedia uli ki jekh apoteka Odova dive avere thaneste i policia mudargja avere terne Rome anglal i lokalno pošta.
Tharde si em romane khera em vordona em buteder romane familie darana te ikljon avrial. Ko jekh e romane familienge na mukgena te parunen e mulen premal lengoro tradicia.
Odoleske si bičjavdo jekh manifest tari Romani Unia ki Špania dži ko brazilsko govermenti em o presidenti Jair Bolsonar a ko manfesti si akceptirime em o IRU em avera pobuter taro 100 romane organizacie te šaj garantirinel pe siguritto e brazilsko Romenge em rodel pe em intervencia taro UN.
„Pakjaja kaj o Generalno sekrterai taro UN o Antonio Guteres sar dizutno tari Portugala ka šaj havel akaja tragedia” tergjol ko manfesto so si sugnatira taro pobuter taro 100 organizacie em persone. Paše 800.000 Roma dživdinena ko Brasil.
