Ko 31-to kalendarsko kurko ki Austria sine registririme 5 888 inficirime e korona virusea, a ko 32-to kurko sine 8 113, kote paše 40% sine okola so irangje pe taro odmoria.
Pobuter taro 65% si o gastarbajteria so avena peske taro Paščimalo Balkani em si pozitivno ki koronavirusi, vakerel i austrisko agencia sastipaske em arakhibaske (AGES).
Majbaro numero taro akala si “importirime” tari Utarali Makedonia-866, em kerdo sar paralela angleder duj kurke ov barilo bašo 477.
Taro Kosov da isi baro numero “exportirime” nasvale taro 253 ko 799, palo odova si i Turkia 662 a učo than ki akaja lista astaren em o gastarbajteria tari Kroacia 683 džene.
