I Alijansa baši diskriminacija upral o Roma erati ko internacionalno dive baši tolerancija akhargja te implementirinel pe o kanonia em mehanizmia mujal sa o forme tari diskriminacia em fundamentalno akti tari rig e legaripaske.
I koalicia taro 9 NGO tari sasti Srbia akharela ew srpsko legaripa te vazdel akti sebepi akala terne viktimia so si kerdo atako mujal i romani jekhin soske na sine lenge mukhle te khuven ko jekh lokali ki Smederevska Palanka, vakeribaja kaj „ko akava lokali na trebel lenge kale manuša“
Akava incidenti si notirime ki policia ki Smederevsko Palanka a tari i Alijansa mujal diskriminacia e Romenge udžarena te editirinen em o biathinale institucie, sar em o Komesaro bašo egaliteti em protektiva.
Sar so si akcentirime ki rakja maškar 13 thaj 14 novembro ko lokali ki Smrederevsko Palanka ko „Diskoteka M.B.“ na sine mukhle grupa terne Roma te khuven trujal so bašo o sekjuriti sikavgje lično karte em Sertifikati vakcinake.
„Trujal sa odova ola na sine mukhle andre lafencar kaj o Roma na ztroman te khuven sosoke e kale manušenge nane mukhle te khuven ko disko, em sine palldime akošđibaja“ vakeren tari Alijansa