E čahiakiri policia kerel rodaripa bašo o faktori taro meripa e 43 beršengere romane phanleske so sine ko phanlipa ko Novo Sedlo. Prekal I policia o phanlo manglja korkoro te mudarel pe so palo odova mulo.
I paše familia e phanleskiri na pakjana ki odoja verzija em na pakjana kaj ov korkoro mudargja pe. Paše deš paše familie taro Roma iklile ko protestia anglal o phanlipa te tharen memelja sar nišani tari I memoria.
O phanlo sine legardo ko hospitali kote so mulo ko dujtodi. ”Dendo si akti te kerel pe obdukcia te šaj džanel pe sostar mulo . Na sine konstatirimi fakti kaj ov mulo avarestar numa korkoro mudargja pe” vakergja o portparoli tari policia.
I familia taro mulo phanlo na pakjana ki akaja verzia em vakeren kaj ov na mudargja pe, Akharibaja ko svedokia taro aver phanle I paše familia e mule 43 beršengoro phanlo rom vakeren kaj sine mardo anglal te merel.