E čehiakoro serveri informacienge iDNES.cz informirinela kaj I akana muli Alessia Augello so sine simpatizero taro neofašistikani partia Forza Nuova sine parumi ko Rim Italia ko starti akale kurkeske so kergja baro skandali kana sine editirime slike taro olakoro tabuti so sine pakjardo Nacisitkane bajrakoja . I katoličko khangiri em e Jaudiengiri jekhin kergje reakcia akale incidenteske aso o raporto taro o mediumia.
I rajona Augello so sine membro ki Forza Nuova muli persi kurko palo postoperativno komplikacie ko 44 berša . O fotografie thaj o videa počmingje te editirinen pe ko socialno netvorko pali kerdi parunibaskiri misa kote dikhel pe olakoro tabuti anglal I khangiri lole bajrakoja e,m kalo parni nacistikani svastika upral olate.
Ko jekh taro o videa okolendar so lele than ki akaja parunibaskiri ceremonia šaj dikhel pe sar ola tergjona avrial anglal i khangiri em dena nacistikano saluti.
O representoa tari I khangiri vakeren kaj o tabuti na sine učhardo nacistikane bajrakoa ko vakti tari rekviemsko misa ki khangiri andre.