I Germansko policia thaj carina persi masek kergja upreder deš racie ki sasti them te šaj čhinavren o kinobikiniba sezonsko bukjarne so avena avrial tari Europakiri Unija konektiribaja thaj o Balkani I federalno policia an o Berlin ko Twitter editiringja kaj o racie startujngje thaj i policia rodela sine khera thaj firme a fokusi sine i šerutni diz ki Germania thaj i pokraina Branderburgm numa em thana ko Bremen thaj Teluni Saksonia havljarela i agencia AP.
Paše 1.000 policajcia sien konektirime an I racia thaj rodaripa mujal 20 persone so sine šubikjerde kaj kergje falisifikatoa dokumentia bašo themutnipa ki EU em akomodacia e bukjarnenge ko bare logističko kompanie.
I policia implementiringja nekobor aktia te šhanen desave personen em lele imoti so si ko moldipa taro nekobor milionia eura, ama pobuter detalia nane vakerde. O anava taro astarde manuša em o kompanie na sine vakerde aso o germansko kanoni bašo privat.
O astarde manuša notirime si kaj legaren sine netvorko agencie bašo butikeriba taro Balkani thaj Germania , konektiribaja em fiktivno kompanie, Prekal akala kompanie tegani o astarde manuša sikaven sine bukjarnen so nane nane membria tari EU, kosem si taro thema so si memroa ki EU, istemalkeribaja falisifikatia dokumentia em čhiven sine len ko bare germansko logističko kompanie.
Link: https://rominfomedia.rs/2021/12/11/racije-u-nemackoj-zbog-trgovine-radnicima-sa-balkana/