O ministeriumi bašo finansie prekal nevo kanoni bašo nalegalno biznis lovencar em finansiriba o terorizmi ka čhivel ko kanoni em o dćiakanutno nalegalno pukjiba em biznisi e kriptovalutencar so dži akana n inane zabranimo, a ni mukhlo ki amari them.
I draft kanoni ko nalegalno butikeriba em finansiriba terorizmi ko membri 8 ka regulirinel okola so kerensa biznisi akale virtuelno lovencar.
Momentalno ki Makedonia o kripto valute majbut bikinena pe sine maškar okolende so isi lenjali prekal nekobor kripto menuvačnice ko Skopje thaj ko internet so pukjinen em provizia bašo konsiliari ki trampa e digitalno lovenge.
O kripto valute šaj te kinen pe em bankarsko karticaja tari desavi oficijalno berza so akceptirinla o bankarsko kartice.
Ko agorutne nekobor masekoa drastično pele o moldipa taro kripto valute. Olengere “randipaske” istemalkerel pe bari struja , bašo nakhlo periodi I policia em o EVN arakhle deš masovno čoripa e strujake.
