E švediakiri policia garavde konektiringje nalegalno baza taro informacie e Romenge ki programa so majanglal sine dizajnirime sar antiterosistikane operacie. Bibahtake em akava nane khanči nevo ki šelberšengiri kampanja mujal o Roma ki Švedia.
Akava arakhlja pe kana but dokumentia sine sikavde ki jekh švedsko gazeta ko agor taro masek septemvri 2013 . Majbaro rasno registri sine registririme 4.029 persone kote so olendar 842 sine tinejdžeria. Ko registari sine em 52 bebia so sine registririme ko avgo masekoa.
Kana iklile akala informacie i policia so keren sine komunikacia e mediumencar majanglal negirinen sine kaj isi asavki nalegalno baza, a palo odova sugeririnena sine kaj odova si normalno policiakiri buti konekntirime e rodaripaja prekal o šubikeribaskrere kriminalcoa. Save kriminalno aktia šaj te oven eftamasekongere bebe trujal so si Romano bijando, na sine nikana doinformacia dendi.
