Akana iklilo video kote saste đaj te đunel pe sar 5.000 fania skandirinena “Tu sijan Rom” ki italiansko čhib. Akava skandiriba ko Bergamo akana pak ulo aktuelno kana akava skandiriba taro fania sine salde osudime taro šefi e fudbalsko klubeske Fiorentina. O Roko Komisa. “ Na sine šukare odova so kergje le- Angleder duj berša ola rasno diskriminiringje e Dalbert, a akava berš e Vlahovič ko vakti kana dela sine intervju kote anavkergje le sar “Rom” dophergja o Komisa.
Akava video sikavela kaj e fudbalereske Vlahovič na sine but šukar em na sine bahtalo kana šungja akaba anglal o kamere tari italiansko TV kanal dela sine intervju palo o fudbalsko meči. Ov sine em holjame em bibahtale taro rasistikane lafia taro fania ki Atalanata, numa kontroliringja pe em na sikavgja nisavi reakcia. O Vlahovič akava jevend gelo tari Fiorentina te khelel ko Juventus – Torino.
Youtube: