O Hitler ka ačhol ki memoria sebepi starti taro Dujto lumiakoro maripa o majkuč konflikto an I lumiakiri historia, sebepi so kamel sine te buvljarel sine o simantre tari I Germania prekal maripa.
Ov ka ovel jekh a jekh ki memoria pire sunencar ko rasno eliminacia, kote so motiviringja te kerel pe genocido ko milioni manuša, šaj paše 11 milionia manuša. Trujal so sako vast tari germansko birokratia sine irame te kerel odola egzekucie, o Hitler sine šerutno motivatori.
Ko decenie palo oleskoro meripa taro Hitler but komentaria vakeren kaj ov sine šaj em mentalno nasvalo thaj ten a sine da kana počmingja sar lideri o presie upral oleste taro nasukcesialo maripa šaj angje le dži ko mentalno nasvalipa. Odolea so ov denda akcepcia bašo genocide em sine ratvardo em holjamo, lokheste šaj dikhel pe soske o manuša avile dži ki akaja konkluzia , numa importantno sit e vakerel pe kaj nane koncenzusi maškar o historičaria kaj ov si dilo jali nesavo psihološko problem so oleste šaj sine ole.