O ukrainsko askereskere našutne taro romano etnikumia nane len but amala em phagena pe o internacionalno kanonia thaj kodeksoa kana mangen te khuven ko europakere thema.
O Ukrainsko našutne Roma nane baš šukar avile anglal o “udara taro o rajo” wm te mangle te noririna sar Europakiri Unia sar raj sebepi akava metafora. Ko agor taro fevruariu e Europakoro centro ko niamia e Romenge ERRC editiringja jekh storia tari romani dćuvli Agnes tari ukrainsko diz Beregovo kote barabutne pire duj e čhavencar kerel sine zori nekobor droma te khuvel ki Ungaria ko simantrakoro than nakhibaske Beregsurani.
Kana avgo drom manglja te nakhel o graničari tari ukrainsko rig na mukhlja te nakhel I simantra vakeribaja kaj o Ukrainsko Roma teleperaven e ungariakoro sistemo ki socialno protektiva en džana te mangen devlenge.
I Agnes akava notiringja go ERRC em rodingja te mothaven o graničaria soske oj našti nakhel I simantra. Oficialno sine vakerdo kaj e ukrainsko graničarengesine vakrdo kaj na troman savoren te mukhen te šaj salde kanonikane te ikljon tari I Ukraina em prekal o ERRC vakergje kaj I Agnes panda jekh drom neka probinel te nakhenl I simantra tari I Ukraina.
O dujto drom kana oj palem geli te nakhel e čhavencar palem irangje ola., Palo nevo raporto taro ERRC po trinto drom oj geli te nakhel I simantra ama tegani lelja o mobilno telefoni em sniminel sine sa odova, Oj odolea manglja te khedel dokazoa kaj bizo ništo na mukhena la em diskriminirinena la . I ukrainsko granično policia vakergja kaj na tromal te sniminel em šaj te len la em te phanen la soske siniminela e ukrainsko askere da.
Oj ko palokurko ko 27 fevruari palo štarto drom I Agnes pire čhavencar reslja te nakhel I simantra em te khuvel ki Europakiri Unia.
O ERRC komentirinea kaj I Agnesa so sine la odoja diskriminacia ilustririnel o nasiguriteti e Romane našutnengoro so mangen te našen taro maripa ki Ukraina. O Ukrainsko valstaia thaj o vlastia taro Europakiri unia kerena asavke aktia taro diskkriminacia em stereotipoa mujal o Roma em vakerena kaj ola “nane čačutne našutne”
Link: https://h-alter.org/ljudska-prava/tko-bi-primio-rome/
