Te sine panda o maripa ki Ukraina o suporto tari čehiakiri nacia premal o migrantia tari Ukraina ka ovel majodoriga, vakergja e čehiakoro president o Miloš Zeman bašo CNN Prima News, em o Čehoa sako drom ka dikhen i situacia an i Ukraina . Ko jekh vakti o Zeman kritikujngja e Romane migranten tari i Ukraina kote vakerel kaj ola si salde „ekonomsko migrantia“
O Zeman ko jekh lipargja kaj o muslimansko migrantia si saste terne manuša , emo kola so našena tari Ukraina si salde čhave thaj džuvlja.
“Trinto diferenciasi odova so ko agor o Ukraincia si ki amari kulturakiri rota, na salde lingvistikane, numa sebepi olengere hristiansko darhie em javer, a o muslimansko migrantia dživdinen ki aver islamsko kultura”dophergja ov.
E čehiakoro president vakergja kaj o maripa udćarela te agorkerel but sig thaj buteder Ukraincia ka iranen pe ki piri them . “Ola ka iranen pe soske ola nane ekonomsko migrantia em si čačutne migrantia so našena taro maripa so ko normalno šartia dživdipaske mangen te dćivdinen ki Ukraina” vakergja ov piro dikhiba .
„Ka kerav jekh tikni distrikcia akate ki paralela e Ukrainsko Romencar, na sium baš siguritetno kaj ola nane ekonomsko migrantia. Numa ola si salde jekh tikno procentoi, paše 2.000 manuša” vakergja o Zeman ki programa tari I Tereza Tomankova ko CNN Prima News.
