O TV stasioni Euronews sikavgja artiklo kaj I diz Gent an I Belgia pakjala ki majlačhi integracia e imigranstko romane familienge istemalkeribaja o naprofitabilno NGO organizacie. O Gent akana kergja ekstra apartmansko lokacie ko utarale kvartia e dizjake mangipaja te kerel integracia asavke familienge ko belgiakoro sasoitnipa.

O kupatilo em o kunje šaj istemalkeren pobuter tari jekh familia so dživdinena odothe,

O represent tari komuna Gent, o Henes Šot vakerela kaj o dizutne taro Gent nane pobuter te toleririnen akomodacia e romane familienge ko čorole kvartia e dizjake soske o šartia e dživdipaske ko odola thana si nahumano.

„O manuša so angleder dživdinena sine ko majčorole kvartia akana si akate ki akaja periferia. “ vakergja o Šot “ O manuša tari diz na mangen pobuter te keren pe khera ko akala čorolikane kvartia”

O Euronews kergja intervju e familijaja taro Mario em I Roksana , Roma so dživdinena sine ko odola čorolikane kvartia a akana si akate . Olengere čhaven akana isi len akcepcia dži ko aver šajdipa sar so si integracia, praktika keriba hajbaske, edukacia  thaj than khelibaske.

“Akava si šukare mange thaj mire familiake “ vakergja o Mario. „Aviljum akate te kerav buti, te ovav stabilno thaj te džav angle”.

Link: http://www.romea.cz/en/news/world/belgian-city-relocates-immigrant-romani-families-from-slums-to-residential-sites-on-its-outskirts

fShare

Tweet