O britansko kriso angja decizia thaj krisingja e britansko pari soske beršencar kerel sine robia terne Romane čhaven tari Slovakia ko Bristol, Britania.I Joana G. tari Polska krisime si 9 berša, a o >Maroš T. tari Slovakia ko 16 berša phanlipa . Akava pari si došperavdo an I Britania bašo kinobikiniba manušencar thaj modern robia.
Akava pari angja majhari 29 manušen an I Britania kote neko olendar barile em ko čhavorikane internatia bizo jeria can I Slovakia.
O pari hovavgja akale manušen kaj ka ovel len lačho dživdipa ki Britania . Numa ko than odova o terne Roma resle ki Britania em kana reslje akava pari lelja lender o pasportoa thaj čhivel sine lent e keren buti zorea ko autowash jail ko beaty salonia.
O terne Roma sine čhivde te keren buti po 16-18 saatia ko dive efta divesa ko kurko. Daravipaja kaj ka mudaren olen thaj ka marel olen akava pari kerel len sine sar robia.
E bukjarnenge nikana na sine dende lenge o love so sine lenge vakerde angleder te aven ki Britania. I Britansko nacionalno agencia ko maripa mujal o kriminali vakergja kaj maškar 2010 thaj 2017 berš akava pari vazdingja paše 300.000 britansko funte taro bankarsko kontia šutarde ko anava taro o viktimia.
O Maroš T. nikana na pukjingja e bukjarnen o 923.000 britansko funte olengere bukeake ko auto wash. Te pukjinel pe sine e bukjarnenge minimalno plat aka del pe sine lenge odokhare love , vakerel o NCA.
