I Britania si ko kalipa palo meripa e thagarutnake Elizabeta II ko 8 septembro 2022 berš – milja manuša sikaven sine piro mazunipa sebepi o meripa taro 96 beršengoro monaho avibaja ki Bakingemsko palata an o London em rakjatea avera resle em diveveskoro anglal I palata tharena sine momolja em mukhena sine lulugja. Gajreti dena sine e thagarutne familiake buteder Roma thaj Travelsia tari sasti Britania.
Jekh taro majbare FB grupe kote akaja jekhin an I Britania bičhavela ple informacie thaj aver notacie isi em but postia kote sikavena piro mazunipa thaj dena gajreti e familiake e meriba tari Elizabeta II so sine ko trono 70 berša.
E Čehiakere em Slovakiakere Roma isto sikavena piro mazunipa em respoekto primal I thagarutni Elizabeta II ko FB kote hramongje:”Bari persona ki modernikani historia. Muli ko plo phuripa”
Ola piro gajreti em hoš sikavena lafencar kaj odova si agor jekhe erake. O nevo thagar e Britaniake akana si olakoro majbaro čhavo so akana isi le thagarutno anav sar Čarls III , thaj akana palo 70 berša e britaniakere političaria ka vakeren: “Devla arakh e thagare”
