O video editirime ko socialno netvorko kergja sakoneskere komentaria a sar so phene bašo magazine “Alo” vakergja I Emina Nikolič romano aktivisti e Romane jekhinake an o Kragujevac na kerel pe buti romane tradiciake.
Kana o dživdipe kerel desave namangle bukja thaj terno manuš merela angleder piro 18-to bijando dive si bari bibaht thaj mazunipa.
Numa jekh romani familia kergja odova ma te ovel lenge problem, odoleske ko limor organiziringje parti bašo 18 berša dživdipa.
Kerel pe lafi bašo Aleksandar radosavljević biame ko 2004 berš so mulo kana sine le 17 berša – O video editirime ko TikTok ulo viralnoa prekal o komentaria okola so dikhle le vakeren kaj si akava čače bibatali mizeria em sine negativno komentaria.
„Akava našti havav le“, „Nadžanav dali te rovav ili te asav“, „Kaj si I muzika?“... a sine asavke komentaria kaj ko disave kotora tari Srbia isi akala adetia so I paše familia keren asavke fešte e mule manušeske.
O keriba biandodive e mule manušeske ko limoria nane nisavi Romani tradicia thaj romani kultura, vakerel bašo “Alo” I Emina Nikolič romani aktivistka taro Kragujevac.
- Na tromal akava te tretirinel pe sar romani tradicia. I tradicia e Rpomenge si but importantno em si but vakti maškar o Roma so keren ple adetia em tradicie ko bijava jail ko dženaze , Kana kerel pe lafi e Romenge hristiania jail muslimania ola ikeren piri tradicia thaj adetia, am ate keren biando dive mule manušeske odova nisar na kerena. Akava akti avel mange sar jekh “kalo bijav”ko vlaško regioni vakerel I Nikolič.
I paše familia taro mulo Radosavlevič angje ko leskoro limor barvali sofra sar švedsko masa, torta em momolja , o spomeniko ukrasingje le balonencar kote tergol sine numero 18. Jekh taro o Romnja , majpakjavutne oleskiri daj sa odova sniminel sine lp telefoni slikinel sine thaj kergja video. Neko odova akti istemalkergja le bašo kalo humor em mabglja e muleske te ovel sasto thaj vesto.
