„Mo phral avdive ka ovel le sine 38 berša. Me phrale avdive ka ovel le sine piri familia.
Akale lafencar I Duška Jovanovič kergja lafi ko Beogradsko parlamento ki komemoracia sebepi 25 berša taro mudaripa e tikne romane čhaveske o Dušan Jovanović.
Ko 18 oktobro 1997 berš sine mardo em mudardo anglal o apartmani taro duj terne nenonacistikane skinhedsia.
Faktori so sine brutalno mardo em mudardo sine salde so akava 13 beršengoro čhavo sine Rom.
25 berša palo akava oleskiri phen suportoa tari NGO inicijativa A11 dengje propozalo dži ki diz ko Beograd o parko so akana akharel pe Mitičko dupka trujal o ploštadi ki Slavia so si paše oleskere khereske akana te anavkerel pe prekal oleskoro anav.