Ko vakti taro demosntracie mujal o radiodifuzno serviso tari Čehiakiri televizia an I Praga o reporter Ričard Samko arakhlja pe telal rasistikane atakoa em retorike ko vakti kana del sine informacie bašo demonstracie em marši so sine organizirime taro Ladislav Vrabel kote sine nekobor milje manuša resarinaja “ te den pe prenosia ki Čehiakiri TV” . O video snimimo taro Afrique Média konektirime thaj audio kote neko taro demonstrantia dengja notacia lafea:” Ej ake o kopile . o Rom amala”
„Sian li avdive akate amencar , pučlja o demonstranti e Samko ko vakti kana o demonstrantia nakhena sine taro drom Opletlova ko pašipa e treneskere stasioneske. “ Ov sasto so notiringjan man agjaar” vakergja leske o Samko kote o demonstranti panda pobuter počmingja te akošel ole.
„Si li tumen bodigardia” pučlja holjame o demonstranto e žurnaliste – kote ove pučela le palem “Nane li palem te anavkere man sar so anavkergjan man angleder desave minutia kaj sium Rom:” pučlja o Samko.
„Nikana asavko me na vakergjum ko mlo dživdipa” vakerel sine o manuš . “A akana daraja te vakere mange odova nali_” pučela le o reporter tari Čehiakiri TV.
Palo odova poćmingja o marši. “Kaj džaja so na aveamencar akana” o demonstranti del sine vika palo o Samko, so kerel sine piri buti.
