O utsavalkeriba e diveseske Santa Klaus (6 decembro) an o Poprad, Slovakia kergja namanglo incidenti akava berš. O Rudlof Kubas akteri amateri thaj purano membro an o Konsili sine uravdo sar o Santa Klaus em sine snimimo ko video sar kerel bilačho incidenti maltretiriba romane čhaven kote so arakhlja len ki zabava, I policia kerel rodaripa akale oincidenteske. I audovizuelno fakti so si akana ko socialno netvorkia thaj editiringja le I slovačko gazeta Korzár.
Ko odova dive khedingje pe manuša em uravde sar Santa Klaus , angeli thaj benga džana taro kher ko kher ko manuša em den len tikne bakšišia, sar so si bombone, čokolade thaj tikne igračke jail “bengeskoro phursako” e čhavenge te recitirinen nesavi gili . Po desavo drom em akale diveseske keren pe priredba anglal I publika sar so sine organizirime akava drom ko Poprad.
Akaleberšeskoro Santa Klaus ki bina akharel sine em ko jekh momenti irangja pe primal jekh grupa romane tikne čhave so sine ko angluno redo lafencar:” Sa akala so si ko avgo redo anglal akate uzal mande nane te del olen khanči o Santa Klaus. Apsolutno khanči. Odova si soske o Santa Klaus dela bakšiši em bombonia salde šukar em tromale čhavenge , a na okolemge so dena bari vika em but si lošno čhave”
