Upreder 1.500 manuša khedingje pe ko štartodi ko solunsko kvarti EWvosmos ko paruniba e 16 beršengere Kostas Frangulis , romano tinejdžeri so mulo ko hospitali ko dujtodi kana sine phajrakerdo ki policiakiri racia angleder 10 divesa.
„Avdive o sasto sasoitnipa trubul te ovel unime . Avdive savore siem Roma” vakergja o advokati e familijakoro Teofilos Aleksopulos kip li notacia.
I familia Grangulis kergja o parunbiba ko olengoro familijarno kher kote khedingje pe o Roma ko phravdo tabuti o šerpo učardo parni bejzbol stadikaja , neko čhivel sine love ko tabuti sar so si I romani tradicia ko odola grčko Roma.
Bašalibaja tradicionalno parunibaskiri muzika em o mangle gilja taro tinejdžeri ola formiringje procesia ki parunibaskiri kolona sa dži ko limoria O Jorgos Stamatis generalno sekretari socijalno solidariteteske thja maripa mujal o čorolipa ko grčko Ministeriumi socijalno ske avilo ko akava paruniba.
Ov citirime taro “Katimerini” sar so vakergja si:” Avdive si but pharo dive . Parunaja terne manuše so na sine le vakti te dživdinel piro dživdipa thaj pali peste mukhlja terni romni thaj jekhe čhave”
