O filmi ka ovel anavkerdo prekal koo jekh taro majbare hitia taro Ramadanovski hem ka sikavel o čhavoripa e giljavutneskoro.
O scenario si taro Stefan Boškovič em vakerel kaj ko sig vakti ka startujnel te sniminel pe o filmi lipardo e folk giljavutneske Džej Ramadanovski.
O scenario e filmeske “Nedelja” hramosardo taro Stefan Boškovič , a režiseri o Nemanja Čeranič si hazrkerdo e avgo kadrenge. Panda na džanel pe koj ka khelel I šerutni rolja akale produkciake ama sar anava si liparde o akteria Denis Murič thaj Amar Čorovič.
O filmi ka ovel anavkerdo prekal koo jekh taro majbare hitia taro Ramadanovski hem ka sikavel o čhavoripa e giljavutneskoro thaj sar bajrola sine ko ofiso mukhle čhavenfe ama em poodoriga o drumo taro leskoro sukcesi em olekoro astradno dživdipa.
O čhavo so ka khelel e Džej ko periodi taro terne berša sar so hramosarela o “Kurir” ka ovel napendžardo Romano čhavo so ka ovel alusardo ko kastingo , a palo odova I rolja ka perel jali ko Denisi jali ko Amari.
Sar anava so šaj te khelen ko akava filmi isi nekobor aktersko anava tari Makedonia sar so si I Emra Kurtišova, , Emin Sanela, thaj Bajram Severdžan – Dr Koljo. Te vakera kaj o Džej Ramadanovski mulo ko 6 decembro 2020 berš , em o haberi taro leskoro meripa mazunipaja sine resli an i sasti Srbia thaj o regioni.
