O dezinformacie ko čehiakoro sasoitnipa ule viralno , vakeribaja kote dži kote o presidenteslkoro kandidati o Petr Pavel ovel alusardo ko vikend so avela. Ov ka del dekreto te mobilizirinel pe bašo askeri sa o murša ko baripa taro 18 dži ko 60 berša, a o Roma si atakujme maškar sa akala dezinformacie, Akaja hohavni dezinformacia ikljola kaj akala mobilizirime ka oven legarde te maren pe an I Ukraina.
Potikni verzija tari akaja dezinformacia si kaj buvljola hohavin kaj o Pavel palem ka anel te ovel askeria . Sa akala dezinformacie si banalno soske e čehiakoro kanoni naštite kerel asavko nešto em o Pavel negirinela sa akala informacie . “ Op Pavel te ulo presidenti e Čehiake ka ovel maripa. Me na kamav mire unukia thaj čhave te džan ko maripa” vakerel o Pavel ko plo FB statusi.
„Te sine o Pavel president ka ovel mobilizacia. Na mangav te khuva ko maripa” vakerel aver persona ki akaja GB platforma sar komentari.
