Ko 27 Januari angleder 78 berša I Loli Armia tromalkergja o germansko konc logori ki teritoria tari teganutni nacistikani okupirimi Polska, Aušvic Birkenau.
T themakoro muzei “Aušvic – Birkenau” so arakhel pe ki teritoria taro logoria Aušvic I thaj Aušvic II ki diz Osviečim , notirinela o beršipa telal pokrovitelstvo em patronati e polsko presidenteske Andžej Duda. Ki komemoracia na sine akhardo ni jekh oficalno reprezento tari Rusia , a karana odoleske si I decizia o maripa an I Ukraina legardi tari Rusia, notiringja I agencia AFP.
Dži akana I Rusia sako drom lela sine than ko ceremonie soo ikeren pe ko 27 januari em olakoro reprezento sine le em lafikeriba . Palo tromalipa e logoreske I Loli Armia arakhlja 7.000 dživde logorašia, sa o ačhile dživde dži avdisutno dive si akahrde ki akaja komemoracia te aven.
