Enja džene mule ko phajrariba si sine javinate trujal o ofto o časo ki fundavno škola ko Vračar, Beograd. Maškar o viktimia isi em čhave , thaj e školakoro sekjuriti , a šov čhave thaj jekh profesorka si ratvarde em sine lenge dendo urgentno suporto ko Urgentno centro thaj Tiršova. Akale phajrajraribaske stardoo si o Kosta K.(14) so avdive javinate mudargja enja persone ko masovno phajrariba ki škola “ Vladislav Ribnikar” ko Vračar.
Ki fundavutni škola kote sine o phajrariba , sar so havljaren o mediumia
Arakhlo si ranco koote sine šastra, municija thaj molotovo koktelia, flače materijalea so thabljila. Ko mommenti nadžanel pe dali odova ranco angja le o Kosta K. (14), emo v sine astardo palo o phajrariba.
Premal o mediumia o Kosta K. (14) majanglal mudargja e sekjuriti so manglja te lel lestar I šastra em te čhinavel ole.
Sar so džanela pe o Kosta pištolea ko vas khuvgja ko klasi . O sekjuriti dikhlja odova em gelo te ačhavel le. O čhavo phajrargja . Ov majanglal phajrargja primal trin persone ko holi palo odova khuvgja ko časi pali historia em počmingja te phajrarel. Taro duj šaržeria sine pharjardo majhari 15 kuršumia.
