Ki Makedonia saste džanela pe kote i mania taro sportsko kladiba si but maškar o manuša. Bizi diferenca taro socialno jali ekonomikano statusi savore len ko vas o kalemi thaj o lil.
Nekaske odova si salde normalno kheliba, taro hobi jali kurkeskoro rituali, a avernege si čačutni thaj alarmantno hazardersko mania.
Numa isi asavke so tikne lovenge thaj sar hobi kamen te khelen thaj te dikhen dali ka ovel olen baht. Numa o problemi si odova so ko nevo kanoni "Khelina ko hazardi" dži kote tuamro tiketo astarela thaj isi astarde love, a nesave čipotaja lena thaj socialno love tari them, odola love notirinen pe ko registro taro UJP thaj ola evdientirinen pe sar ekstra love.
Dži kote odola love na notirinen le ko agor e beršeske ko ofiso taro UJP tegani šaj te čhinaven tumenge i socialno arka!.
Odova sikavel kaj sa okola so lena socialno na troman te khelen , thaj te astargje len kaj khelena ka ačhon bizo odola da 2.000 denaria ko masek!
Prekal nesave statistike an i Makedonia sportska khelen 1/3 taro manuša. Prosečno profilo taro jekh sportsko kladilničari si ko baripa maškar 25 thaj 45 berša, sredno školaja a ko tiketo hardžinel ko proseko taro 20 dži ko 200 denaria.
