Kana ačhon dovogende si bahtale, numa palo odova periodo bibahtale

Ko khujba e komunake Šuto Orizari sine čhivdi jekh tabla kote hramosarel sine " Pukar avilen an i Komuna Šuto Orizari, komuna bizo piro personalno ginekologo". I Tabla sine čhivdi pali Inicijativa e džuvlenge taro Šuto Orizari sar jekh gerila akcia , kote so sikavena piro revolto premal sastipaskere themakere institucie so si bizo sensi olengere problemeske.

Ko momento o meripa e džuvlenge so bijanena thaj o bebia Roma si 1.5 droma majbut numa an o aver nacionalitetia., o Šuto Orizari si bizi piro personalno ginekologo.

8000 džuvlja an i komuna beršencar rodena okova so trubul te ovel olen - personalno ginekologo!

Programaja tari sastipaskiri protektiva e dajenge thaj čhavenge an o Ministeriumi sastipaske, sako dovogende džuvli si la hako an i bilovengiri folno kiselina. An o 2016 berš , akava akti resle salde 19% taro dovogende džuvlja an o Šuto Orizari.

An i komuna Šuto Orizari panda nene ginekologo so šaj kerel akušersko kontrole e džuvlenge thaj čhienge an i komuna. Trujal i programa taro Ministeriumi te putren pe ginekološko ordinacie . oj na implementiringja pe thaj o džuvlja thaj o čhija alusargje piro personalno ginekologo an o aver komune thaj si bibahtale soske i protektiva so dena len si nakvalitetno . Taro juli 2014 berš O Ministeriumi arkahlja genokološko ordinac so del sastipaskere protektive jekh drom an o kurko, numa na personalno ginekologo te šaj kvalklitetno te del pe lenge sastipaskiri protektiva e džuvlenge te šaj si len niami an o reporduktivno sastipa.

 

 

Pin It
FaLang translation system by Faboba

Mangava te vakerav

Momentalno Online

       Isi 187 misafirija so dikhena o ROMATIMES.NEWS

Golden Wheel - Entry Application Form

o Vakti

 booked.net

Majpopularno

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali