O politikane partie thaj o biathinale kandidaroa bašo dizjakere šerutne thaj konsiloskiri lista. O roko nakhlja ko šatrtodi - 14.09.2017 ki jekvaš i rakj , a o alusariba ka ikerel pe palo jekh masek.
O partie ko thavdipa taro idžeratutno dive te finalizirinen o liste thaj havljariba o anava taro kandidatia so ka oven aktivno an o lokalno alusariba.
Odoleske ko komunakoro nivelo an o Šuto orizari baši funkcia dizjakoro šerutno an o 15 oktomvri ka len than o džiakanutno dizjakoro šerutno taro SRM -Elvis Bajram thaj kandidati taro SDSM - o aktuelno deputato Kurto Duduš.
Sar legarutno an i lista bašp Konsilo an i komuna taro SRM si notirime o aktuelno deputato Amdi Bajram, a taro SDSM o Gege Demirovski.
Palo dendi dokumentacia , akana e Komunakiri Alusaribaskiri komisia (KAK) ko roko taro 48 saatia trubul te zojrakeren i kandudatura ka den legitimiteto a te sine anomalie trubul te iranen ko dopheriba, a i aplikacia e listenge ka ovel len panda 48 saatia te ikaven o anomalie.
I ždrepka taro redosled ko alusaribaskoro liloro ka ikerel pe ko 18 septemvri. I kampanja ka startujnel bašo deš divesa (25 septemvri) a o alusariba si notirime bašo 15 oktomvri. O alusariba ka ovel ko 80 komune thaj an i diz Skopje.
