Akava si o majbaro butiko an o Balkani. Sasto Skopje, makedonia thaj aver thema kinen amende, soske siem majeftino a isi baro numero roba.
Sa isi ko jekh than pa ko mangel neka avel - vakerel o Alil Muzafer, jekh taro but trgovcia so bikinen telel o phravdo ko nilaj em jevend tekstili, jakne menie.
Ki roba so si anglal o dukjania thaj improvizirime tezge o trgovcia udžarena pire misafiren.
-But šubel pe reklame pire robake. Vakeren kaj olengiri roba akate si orginali a na khorani kopia.
An o odola "butikia" thaj dukjania trujal o baro drom isi em improvizirime tezge so isi sakako roba . "Orginal" džuvljane čante bašo 5 eura, patike 13 eura, ,menie 20 eura. odothe isi jakne, - leder, teksas , farmerke, pantalone, gada, telune sostenja, majce, čorape , "galbenoa thaj rupini" , bižuteria em aver džundžuroa kozmetika em aver.
Orothe nane salde čiriklikano thud.
O šoping an i Šutka si interesantno thaj lošalo. numa manuš sar an o aver thana thaj akate kana isi but bari gužva trubul t arakhel pire love em mobilno so čhiben an i paluni džepa.
