O badani taro 19 beršengoro Memet kamber so mulo ko 24 maj an o hospitali bizi nisavi personalno dokumentia, panda si an I kapela an o Butel.
Sebepi so e Memet na sine le nisave dokumentia baši identifikacia, o badani našti te ovel dendo te parunel pe. Jekhutni forma te šaj te sikavel pe kaj v si rateskere konektirime pe familijaja so si faktori te del pe o badani te parunelk pe , I majpape familija kasaja akana dživdinel sine sit e keren DNK analiya kaskere rezultatia udžarena pe.
I daj e Memeteskiri mukhljale emo v ačhilo te dživdinel pe dajja, a na dengje le lično karta soske nane le imotno listo e khereske kote bešela sine soske o kher nane legalizirime. Le sine le phare sastipaskere prblemia so sako dive sine sap bare , numa našti sine te sasljarel pe sske na sine le ni love ni dokumentacia . O doktoria so primingje le angleder te merel vakergje kaj majpakjavutne nikana na sine le nisavo sastipaskoro tretmani baši sastipaskiri situacia kote so mulo. Avere rigatar o Ministeriumi sastipaske na sine notirime akava akti e čhaveske Memet Kamber, informiringja o ministeri sastipaske Fatmir Medžiti.
