Aprililili: Sar o 1 Aprilo ulo lumiakoro dive hovavipaske ?

Ko avgo dive e masekoske april but isi asajbe thaj utsavlkerel pe o Internacionalno dive taro asajbe, parti thaj hovavipa. Ni jekh na džanel kote thaj sar startujngja akava baro dive te kerel pe.

Jekh taro majpopularno teorie kotar avel akava dive konektirinel ko franciakere kalendarsko reforme an o XVI veko.

 

Prekal i historia an o 1564 berš i Francia kergja reforma an o plo kalendari, nakhavibaja taro Juliansko an o Gregoriansko ko 1 aprilo so nakhavel pe o nevo berš.

Odole trampaja taro kalendari but Francuzia na mangle te len o 1 januari bašo avgo dive an o berš thaj gele te utsavalkeren o 1 april.

Tradicionalno o 1 april si pherdo asajbaja, zabava thaj hovavina.

Ake sar kerel pe o 1 april ko disave thema an i lumia.

India - Odori kerel pe o 31 mart thaj trujal hovavina o manuša frden pravo ko kolori, so čhivena ko ple muja thaj odova notirinel kaj startujnel o anglonilaj. Dena pe em podisave tikne bakšišia. 

Francia - O baro dive anavkerdo si thaj sar Poisson d’Avril thaj odothe majbut keren le o tikne čhave. Tradicionalno o čhave lepinen ko dumo pe amalenge skice taro mačhe thaj udažren i hovavin te dikhen la olengere amala.

Danska - O dancia isi len duj dive an o berš so keren len sar dive taro asajbe thaj hovavina. Odola dive si 1 april thaj 1 maj.

Portugalia - Odothe o manuša isi len adeti jekh jekheske te frden varo.

Anglia - Ki Anglia sako okova so si hovavdo an o 1 aprili len le ko majtapi em anavkeren le sar "aprilsko dilino" - "aprils fools

Makedonia - tradicionalno o avgoaprilsko maske. Keren pe maskenbalia, karnevalia, thaj ikljon but interesno hovavina.

O Šale so si an o 1 April valjani te ovel parti thaj šukare atmosferaja. Odoleske asan majbut!

 

Pin It
FaLang translation system by Faboba

Mangava te vakerav

o Vakti

 booked.net

Majpopularno

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali