O Kefaet an i Germania alo kana sine le štar berš , a o Selam si bijame an i Germania. O duj phralja sine paldime an o Kosovo them so napendžarena la sine. savi si olengiri jazia palo iraniba an i germania?
O duj phralja barile an o Esen odori džana sine an i škola. Sa dži ko 2010 berš kana majurgentno reslja lenge deportacia bašo duj divesa te iranen pe an o Kosovo ki them oleksre dadeskiri thaj olengiri them so nikana na zapendžđargje ola. O Selami (27 beršengoro) nikana na sine odori, a oleskoro phral o Kjefaet (32 berša) odothe dživdingja salde dži ko oleskoro 4-to berš.
Nisavi memoria, lipar nisavi emocionalno konekciapremal odoja them thaj o manuša.
Ola sikje ko droma ko napendžarde manuša, ko amala. O duj phralja an o Balkani nakhavgje štar berša, enja masekoja thaj štar divesa, hulavde maškar i pšakjiv thaj napakjiv. Pire muzikaja ule pendžarde an o Kosovo thaj džana sine an o turneje an i them. " Nadžanav sine kana ka avel o agor akaleske, odoleske uživinav sine sako dive" vakerel o Selami an o filmi so kergje olenge. Ko odova periodi o phralja kergje nekobor legalno mangipa te šaj iranen pe an o Esebn, ki germania ki pli familia, numa bizo efekti.
Jekh dive angje decizia . " Siem sine naivno mangaja sine legalno te irana amen napala. Savore vakeren sine, džan prekal i simantra jekhutne" dela pe lipar o Kjefaet. Odova da kergjem. Bizo nekaske te vakeren an o 2014 berš chidningje phirindo baši Ungaria, prekal Austria te resen an i Germania. Kana resle akate o duj mizičaria angažiringje pe e ternencar taro problematično familendar. Ola khelen, rapunjen thaj keren lafi olencar. Akaja energia resel pozitivno ki publikakoro eho an o Kulturakoro centari. kergje sukcesialo koncerti trujal so i thenika rumindili. Trujal sa panda si phravdo o problemi olengere statuseske an i Germania. O phralja palem dživdinena an o esen. E Selam si le status persona so toleririnela pe thaj sako momenti šaj te ovel palem deportirime. O kjefaet si le lil kote šaj te ačhol jekh berš.
Линк : http://www.dw.com/mk/
