I thagarutni e romane muzikake Esma Redžepovska erati si legardi an o hospitali an o Skopje. Sine andi ki phari sastipaskiri situacia thaj o doktoria avdive keren te stavilizirinen la, havljarel naoficialno o portali "sakamdakazam.mk" . Olakere paše zojrakergje kaj e Esma si la sastipaskere problemia, numa pakajana kaj ka ovel sa lačhe thaj na mangen te den oficialno informacie.
I esam sebepi o bilačho sastipaskoro hali an o hospitali sine thaj angleder duj berša an o dkemevri 2014 berđ kana vakergja kaj si lake but bilačhe.
I esma si phursarjerdi titulaja Nacionalno artisto an i RM taro 2013 berš a ko 30 oktomvri akava berš an o Toronto, Kanada sine promovirimi i monografia taro olakoro 55 berša profesionalno angažmani thaj kariera. I monografia si kerdi sebepi ei esma thaj olakoro akana mulo rom o Stevo teodosievski em o ansambl "Teodosievski" thaj s ao generacie muzičaria so nakhel odothar.
Akava berš i Esma sine la but koncertoa maškar so thaj majbaro sine okova an i Kongersno libroteka taro Kenedi an o Vašington ko pervazia tari turnea an o UAT a ko agor taro masek avgust giljavgja thaj humanitarno koncerti bašo o bare panja so sine an o skopjakoro regioni.
Link: http://sdk.mk/index.php/makedonija/esma-vo-bolnitsa-vo-teshka-sostojba/
