O muzičaria so bašaven an o droma vakeren o naprofesionalno dela pe sertifikati e bašaven an o ploštadia thaj bilačho vjavahari tari komunalno policia.
Savore si prekal o šero taro nalegalno bašaviba an o trotoari ko drom Knez Mihajlova an o Beograd, thaj i komunalno policia.
Jekh muzičari an droma vakerela: Me bašavav 5 berša thaj o agorutne duj berša na dengje man sertifikato. Odova kergja dži akana te oven mange hramosarde 117 kriseskere akti mujal oleste thaj štar dive phanlipa. Numa sar so vakerela nane te chidel pe odolestar , soske si bibukjakoro, si le familia so parvarela la odole lovencar taro bašajbe.
Aver rigatar i komunalno policia ničale kerel kontrole taro akala muzičaria thaj savoren okolen so nane len sertifikato sankcionirinela len.
-Taro starti akale beršeske dži akana hramosargjem 27 krisoskere aktia e muzikantenge an o droma an i lokacia Knez Mihajlova an o Beograd, vakeren o komunalno policajcia.
