I grupa „Gipsy Rhapsody Band", thavdipaja i tradicia e pendžarutne orkestareske "Romalen" an o 15 noemvri ikerela koncerti an o Kolaričevo centro ko Beograd startea taro 21 o časo.
"Gipsy Rhapsody Band" formirime si sar bendi so nevikergja o toni taro orkestar "Romalen" so egzistirinela an i estrada ko 60-to thaj 70-to berša ko 20 veko.
Sar šefia ko odova orkestar sine o membria tari familia Vasić o Danilo thaj o Boško em olengere čhave thaj aver Roma. O čhavo taro Danilo Vasić o Perica lungo vakti kerel sine aktiviteto e orkestareske numa akana anavea "Gipsy Rhapsody Band".
- An o repertoari isi amen rokestarsko numere: srspko, romane, rumunsko, ungarsko, rusko, grčko, špansko thaj aver evergrin numere. I publika ka ovel la šajdipa te šunen o standardno romane numere: "Piravel o Mile", "Đelem Đelem", "Parno gras", "Oluja", "Amen sama but roma", "Ivuška", "Cvetala kaliana", "Moj Borije", thaj orkestarsko "Balkansko fantazie", "Hora Futura", "Sarba si Hora", "Bramsovo khelin no 5 " - akcentirinena o membria taro "Gipsy Rhapsody Band".
