Akava vikendi an i Purani skopsko čaršia , an o "Suli An" premierno anglal i skopsko publika sine prezentirime o mjuzikli " Romalen" taro dueti "Silvi bend"
Hari stihioa, hari muzika, hari kheliba.. But emocie, podesavi asvin thaj bare emocie. I Silvi giljavel sine ilostar pire naciake e Romenge kote dengja piro komentaro:
O Roma taro sa o vakti sine maltretirime thaj nahavde..Amen siem jekh taro majdiskriminirime nacie an i lumia. Me sem bahtali Romani. amen siem lačhe manuša, pherde emocia, mangipa. Prekal o "Romalen" odova mangljum te ilustririnav savorenge thaj jekhe dromeske te phaga sa odola stereotipia.
O Vlatko ko jekh dophergja thaj vakergja kaj o "Romalen" so sar translacija si "manuša" thaj vakergja kaj majsig o mjuziklo ka ovel prezentirime an o sa o dizja an i them, a planirinene thaj bari turnea avri tari i them.
Akava si dujto proekto tari asavki forma akale dueteske, kote angleder 14 berša kergje o mjuziklo " Koštana" so sine le but lačhi akcepcia an i publika thaj sa dži ko avdisutno dive kerel pe lafi odoleske.
