I avgo romani srpsko opersko giljavutni i Nataša Tasić Knežević ko 2012 berš sine havljardi sar majanglutni romani džuvli ki lumia

I Nataša Tasić Knežević si jekhto srspko romani opersko giljavutni so si la bukjarno angažmano ko Srpsko Nacionalno teatro ko Novi Sad.

Akaja romani džuvli taro Beograd studirinel sine Fakulteto bašo transporto thaj giljavel sine ko Khangirakoro hori Sv Gjorgji kana dikhlja la o Jovan Čirilov, thaj prependžargja olakoro talenti thaj suportoa tari i princeza Jelisaveta Karadžordžević hramosargja Askademia arteske ki klasa - solo giljavipa.

Palo odova bukjarne sine angažirime ko Srpsko Nacionalno teatro ko Novi sad. Olakoro sasto dživdipa sine maripa mujal stigmatizacia thaj diskriminacia.

Baši Nataša vakerena kaj si thagarutni e romane opersko giljajbaske so si la kristalno klar krlo, lačhi boja thaj ko sako olakoro angažmani e publika impresionirinela la taro jekh drom.

Ko 2012 berš o OESS havljargja e Nataša sar jekh taro majeksponimrime romane džuvlja an i lumia, kote ko jekh ikergja jekh baro em lačhi diskusia ko Europakoro konsilo.

 

Pin It
FaLang translation system by Faboba

Mangava te vakerav

Momentalno Online

       Isi 291 misafirija so dikhena o ROMATIMES.NEWS

o Vakti

 booked.net

Majpopularno

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali