O Kafu panda sar čhavo na džanel sine kaj si Rom. Oleste anavkeren le sine sar "Cigan" thaj obv odova dikhel sine sar normalno buti. Biamo si an i Džakovica ko paščim taro Kosovo.
O Kafu o sasto lafi "Rom" havgja le kana sine le 20 berša. Akana kana si le 30 berša ov si kotor tari kampanja kote prekal i muzika kerel maripa mujal i negativno percepcia upral o Roma taro Kosovo.
Sar frontmen e bendeske Gzpsz Ritam o Kafu hulavel plo džanlipa an i konkecia baši diskriminacia e fokuseske thaj eliminacia an o diference maškar romani, albanikani thaj srbikani populacia an o Balkani.
Ko bendi si 6 muzičaria savore diferentno nacionalitetea, Roma, Albancia thaj Turkoja muzičaria. Ola keren muzika romano stili thaj dopherde elementia taro džez, pank thaj rege.
"Sar bendi trujal muzikakere bičhava thaj politikane mesažia dži ko sa o manuša. Kama odola mesažia te resen ko manuša" vakerel o Kafu bašo plo intervju e Fondacia Tomson Reuters an o jekh kafe bar an i Priština.
Trujal so i romani populacia an o Kosovo si 1,5% ola panda si majdiskriminirimi etnikani jekhin so ačhilo panda taro vakti e mkonfliktoske ko 1998'99 berš
Ko vakti taro konflikto an o Kosovo, o Roma sine an o maškar ko duj maripaskere roga taro Albancia thaj io Srblie. But familie na džangje savi rig te len. I familia thaj taro Kafu arakhel pe sine an i odoja dilema. Palo odova taro Albancia sine havljarde kaj o Roma sine tari Srbiakiri rig. Beršencar mapalal palo agor e konfliktoske an o Kosovo, o Rom resle bare represie tari rig e Albanconge so si an o Kosovo sar majabro numero etnikani jekh akate.
Link : http://www.reuters.com/article/us-kosovo-roma-music-idUSKCN0WA025
