Jekh taro majšukar vokalia an i romani muzikakiri estrada, Ramadan Bislim Ramko havljarel plo majnevo albumi.
O albumi valjani te ikljol ko starti taro o nilaj akava berš.
Ko albumi ka ovel 8 kompoziocie, ko oleskoro pendžardo stili thaj specifično vokali. O materiali akana kerela pe a e muzikakere kotoreske thaj produkcisko kotor ka ovel taro oleskoro amal thaj kolega o legendarno Ahemt Rasimov, so kerela o materiali ko plo studio ki Belgia. Premal o R.B.Ramko an o albumi ka ovel sar gilja taro sig ritam thaj ka oven em oleskere pendžarde balade.
O tesktia pobut si oleskere autorsko taro R.B.Ramko. I muzika thaj aranžmani ka oven taro Ahemt Rasimov. Sar so vakerel o korkoro Ramko , o albumi šaj sine te ovel majsig da numa sebepi oleskoro angažmani thaj giljaviba ko stranstvo nane le vakti te kerel o albumi majsig. Akava albumi kerela le paše duj berša.
Jekh interesno momenti sine e R.B.Ramko kote sine jekh bilačho momenti so ulo ko vakti taro oleskoro dromaripa premal i Švajcaria - Cirih.
O aeroplani trebel sine te chidel taro skopsko aeroporti ko 10.00 o saati thaj trujal o sasto starti taro ujraripa, thaj chidipa ki pista e aeroporteske, ko aeroplani hošungja pe jekh bilačhi sung ' khandiba taro kerozini thaj kergje pe problemia ko motori thaj rezervoari e aeroplaneske thaj o aeroplani tari pista ujraribaske irangja pe ki pli startno pozicia an o eroporti thaj na ujragja, thaj o ujrariba sine mukhlo tajsutne diveseske. Bahtake taro R.B.Ramko thaj o aver dromarutne an o aeroplani o defeko sine notirime ko vakti nekobor sekundia anglal te ujrarel thaj sine čhinavdi pobari tragedia.
