O vaterpolistia taro beogradsko Partizan ikeren sine transparenti "O Roma khadena - pheren e rikonja"

O vaterpolistia taro beogradsko Partizan, o Nemanja Vico thaj o Dimitrije Rističević , ladžavutne legargje pe ko vakti kana keren sine utsavalipa e tutulake šampionia e Srbiake an i Banjica.

O kalo-parne ko mečo našo pehari nacionalno šampionia viktoriringje ple rivalen Crvena Zvezda rezultatea 10:9 thaj agjaar rezultatea 2:0 an o viktorie reslje dži ki 27 titula ki olengiri klubsko historia.

Numa skandali ko akava meči frdingje o reperezentativcia tari Srbia o Vico thaj o Rističević, kote ko vakti kana ple tifozencar utsavalkeren sine i titula ikeren sine transparenti kote hramosarela sine  transparenti "O Roma khadena - pheren e rikonja".

 

Asavko gesti nane lačhe ni jekhe sportisteske a mahjari akale srpsko vaterpolo reprezentativcenge.

Palo buvljariba akale informaciake prekal socialno networko thaj akava skandalozno gesti reakcia kergja o vaterpolisti Rističević so kergja jertisaripa - izvinuvanje sa e vaterpolistenge thaj e tifozenge tari Crvena Zvezda  sebepi akava skandalozno transparenti.

O vaterpolo klubi Partizan , jerisarel bašo akava akti taro ple vaterpolistia thaj ko olengoro anav bičhavel mesaži sar jertisariba - izvinuvanje dži savorende so hošinen pe bilačheste akale aktea. Taro klubi vakeren kote akava gesti na sine nisar planirime thaj akava kerdo si namangle. Akana ka kerel li rakcia thaj i Vaterpolo Federacia tari Srbia ka sikavel o vakti.

 

Link: http://www.b92.net/sport/vaterpolo/vesti.php?yyyy=2016&mm=05&dd=26&nav_id=1136027

 

Pin It
FaLang translation system by Faboba

Mangava te vakerav

o Vakti

 booked.net

Majpopularno

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali