O Fjuri huljavgja pe an o press: Kličko te ladža, margja tu thulo manuš

O boksersko lumiakoro šampioniu ki phari kategoria, Tajson Fjuri, ko 9 juli ka arakhel i titula mujal o Vladimir Kličko. Ki vaktavin akale mečeske o Fjuri anglal o žurnalistia vakergja e Kličkoske kana margja le ko noemvri em lelja i titula, valjani te ladžal soske i titula lelja lestar jekh "thulo bokseri".

Ko odova o Kličko irangja akošibaja, a o Fjuri irangja leske: " O Vlad akošlja! O pendžardo bokseri?!. Tu sian šampioni džukljane khulenge. Nikana na margja pe mujal riivali so šaj marel ole. Našti ikljove taro ringo hovavibaja. Kana si fer ov našti marel. Te ladža, margja tut thulo manuš. Me na dživdinav thaj sprotsko dživdipa. Ladžavo si te anavkere man sportisti.  

O Vladimir dživdinel sportsko režimea thaj i poenta te ove profesionalco sa akala berša , te našti mare thule manuše?. Šaj te marav le te ovav thaj pothulo taro balo, thaj na trubul te ovav ki forma" - vakergja o Fjuri sikavibaja plo thulo vogji.

Ko noemvri persi berš o Fjuri ko Dozeldorf margja e Kličko jekhhangutne deciziaja taro arbitria thaj lelja o šampionsko titule ko verzie WBA, WBO thaj IBF. Odova sine avgo našavdo meči taro Ukrainco so rodingja revanši so ka ovel ko 9 juli ko Mančester. O kontravrzno Irco romane darhiencar "o maripa" mujal o Ukrainco počmingja o pres uravdo sar betmen thaj tančerke so khelen sine anglal o Kličko.

" Na kamav o boks, than na kamav ni jekh sekunda taro treningia thaj na kamav te kerav tumencar lafi sar idiotia. Numa me sium majšukar thaj si man but love. Akaja mange si lokhi buti, soske ka bešav sine khere ka dikhav sine TV em ka hav sine čokolade ma čhavencar" - vakergja o Fjuri so dži akana nane le našavdo boks meči ko 25 mečia ki pli profi kariera.

Palo kerdo šou taro Fjuri , o Kličko ladžala taro našavdo meči taro Fjuri thaj namangel sa so vakergja o Fjuri.

" Kamav te marav ko revanši, na salde mange numa em aver manušenge, baši majšukar reputacia e lumiakere šampioneske ki phari kategoria. Ko avgo meči sium sine ki šukar forma, numa psihički na sium sine odothe. But pasivno boksujngjum. O meči našavgjum, numa na našavdiljum sar bokseri" - vakergja o Kličko

 

Pin It
FaLang translation system by Faboba

Mangava te vakerav

Momentalno Online

       Isi 288 misafirija so dikhena o ROMATIMES.NEWS

Golden Wheel - Entry Application Form

o Vakti

 booked.net

Majpopularno

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali