Ko masek e posteske -Ramazan , sine mukhli an i funkcia i mobilno aplikacia tari Romani islamsko škola (R.I.Š). Akaja aplikacia si an i romani čhib thaj si jekhto asavki kategoria maškar o Roma .
Taro eratutno dive but džene sikagje interes akale aplikacijake. Koja so šaj te huljarel pe taro Google PlayStore bizo love.

Akana akanaske isi kerdi samo i Android verzija. A i iOS verzija kerela pe, em oj da sigende ka iklol ko AppStore taro Apple. I Romani Islamsko Škola, skratimo R. I. Š. tani Islamsko edukativno centar e Romengoro ki komuna Šuto Orizari, ki diz Skopja ani Republika Utarali Makedonija.

Akaja škola tani kerdi akava berš, 2019 berš, tari rig Hizmetčiengjeri ko čekat Hođa Ibrahim Rufat Ajdineja. Akaja škola tani bazirimi ko Ehl-i-Sunnet ve-l-Đemateskeri akida thaj Ebu Hanifaskoro fikh-sko drumo.

I Romani Islamsko Škola tani neformalno škola, kote o terne romane čave siklona piri pakjavinaskiri funda. Akaja mobilno aplikacija tani kerdi taro o romano diplomirime softversko inženeri o Elvis Hajdar, pe IT kompanijaja Anton Soft.

Aplikacijakoro Linko: http://tiny.cc/0s206y

fShare

Tweet