Kobor si o balkansko thema siguritetno ? O Roma sa majbut notirinen kaj si maltretirime tari policia. Asavko egzampli sikavgja romani džuvli tari Makedonia kote anglal o germansko kriso, reslja statusi sar emigranti an i Germania.
Akava notirinen pobut germaniakere gazete. I Gazeta " Taz Nord" i andi decizia tari germansko diz Oldenburg kaj jekhe Romnjake tari Makedonia si notificirime o statusi sar emigranti
an Germania, kote oj sikavgja decizia kaj si maltretirime tari rig e makedoniakere policiatar ko vakti kana rodel sine buti an o Ofisi bašo butikeripa. Oj ko vakti taro 2011 berš sine but mardi tari policia thaj agjaar našavgja pire bebe, soske sine khamni, sebepi so namangel sine te khedel "hangia" ko vakti taro alusariba bašo Nikola Gruevski, maškar o Roma.
An i gazeta notirinen kaj o Roma tari Makedoni,a Srbia, Kosovo, dživdinen an o margine dživdipaske, thaj pharsete khuven an i buti, nane len socialno, sastipaskoro thaj policiakoro siguriteti. Akaja situacia si aktuelno ko akala trin thema sa so si an i konekcia e Romencar.
Asavke faktia isi pherdo kote pervaen pe o niamia e Romenge an o akala thema, numa i Germania sar te na mangel te dikhel odola objektivno faktia, notirinel an o piro raporto i germansko gazeta " Taz Nord".
