Ko avipa taro Paralemntarno alusariba so si notirime bašo 12 April 2020 berš , em sar jekh taro importantno momentia si o pučiba baši romani jekhin, olengere konekcie em prioritetia taro politikane programe.
Odova si prioriteto so sako drom sine importantno em ko odova drom sine organizirime ko diferentno kampanje, a majbuteder taro Romano NGO sektori.
Ko 2016 berš ko vakti taro Parlamentno alusariba o Netvorko taro Romano NGO sektori organiziringje kampanja anavkerdi sar „Miro Voto – Miro Responsibiletot“
Ki odoja kampanja sine prezentirime o zaruripa em i problemoa ki Romani jekhin so si identifikujme ko odova periodo.
Štar berša palo odova em ko avipa akale beršeskere Parlamentarno alusariba organizirinen pe palem asavke aktivitetia ama akava drom bizo Netvorko taro Romano NGO sektori, numa si implementirime taro Roma aktivistoa em intelektualcia tari civilno inicijativa AVAJA anavkerde si jekh a jekh e motoa „Miri vota - Miri Obligacia“
Sa si ok numa o Netvorko taro Romano NGO reagirinela em pučela :“ So si odova aver čhane akava drom ko anglutne implementirimi kampanja akalaja ki organizacia tari Avaja?
Ko so i poenta em i diferencia tari akaja em i anglutne kerdi kampanja. Ki anglutni kampanja than lele 70% taro Romano NGO sektori, a ki akaja kampanja akana kerena „solo“ i Avaja? I reakcia taro Netvorko e Romane NGO em akate dikhel pe kaj i Avaja em o titl e kampanjakoro si saste plagiati sar okoja angleder 4 berša salde tikne lafengere permutaciaja e sloganoske „Miro Voto – Miro Responsibiletot“ ko „Miri vota - Miri Obligacia“
Dujto potencirime momento si kaj i Avaja si korkoro na aver ambicijajatar numa salde te kerel korkoro promocia em korkoronarcisiodno akti te šaj sikavel pe sar „faktor“ ki romani jekhin.
A trinto momenti taro finasisko resursi kote ki anglutni kerdi kampanja o budžeti lovencar sine hulavde jekh a jekh maškar o Netvorko taro Romano NGO , a ki akaja kampanja i Avaja si „korkoro peske gazda.“
Pobuter komentaria taro Netvroko taro Romane NGO na trubul.
