O presidento anda IRU, Zoran Dimov sas pi poseta/vizita ande Švedcka. Ando 25 maj sas ame mitingo ando Departemento pala kultura taj Demokracija Alisa Bah Kunke. Khote sas o prezidento taro IRU o Zoran Dimov, Stevo Kuzhicov, Gregor Julson, Rosita Gronfors, Ajten Berlafa, Lars Demetri taj Stefan Palison.
O mitingo sas but konstruktivno thaj pozitivno taj normalno but importantno. Khote kerdam prezentacija pale e buci, aktivitetura so kerel o IRU, savo si amaro drom/cilo, amari strategia maj angle.
Sas laci informacija khatar o Governo sar von keren buci pala e romane phusimata/buca. U pravo pala Romani inkluzija. Ande Švedska startujngja e buci ando 2012 bersh taj e strategia si 20 bersengi, dži ko 2032 bersh. Kado si but importantno ke si lungo strategija taj si ame šajdipa te kera sukceso an o amaro targeti. E buca save keras si but importantno, das but prioriteto pala edukacija, buti, thaj sastipe.
Akana keras buci vi pala Kultura taj Romani čhib, Taj maras ame but pala e diskriminacija taj Antiziganismo.
Ando djes 25-26-to maj samas po seminari pala e romani čhib. Khote sas amare profesora taj lingvistura o Hristo Kyuchkov taj o Ljatif Demir. Dine ame laci informacija pala e romani čhib taj sas but diskucija pala e standardacija la romane čhibake.
