Pohari numa siguritetno i kulminacia vash o proceso tari rig e Komisiake taro Romano Tradicionalno Kriso mujal pobuter romane aktivistia lel kulminacia. O proceso si notirime bašo 18 septembro in live thaj akahrde si pobuter involvirime tari rig e Šefeske tari i Komisia taro Tradicionalno Romano Kriso o Gregor Julson.
Plo dikhiba si jekhe membro an i akaja Komisia thaj Presidento an o IRU Parlamento o Stivo Radul Balog.
Ov akcentirinela kote desave involvirime thaj akaharde aktivistia ko akava proceso ple aktivitetea trubul te oven procesuirime soske lungo vakti anen e romane thaj aver publikume ko hohavni percepcia soske buvljaren dezinformacie thaj hohavina. Angleder ov notirinel e Dragoljub Ackovič thaj o Jovan Damjanovič.
„Olen duj dženen me but respektirinav len sine numa ko agorutno periodo sebepi but bare notirime hohavina thaj manipulacie trubul proceso mujal olende" Ola deibaja vakerina ano nesave mediumia bizo faktia thaj dokumentia paušalno anen an i zabluda saste mediume"
Ola saste buvljaren dezinformacie thaj ni jekh drom na angje sasto dokumento thaj fakti. A sare džanen kote prekal pire organizacie kergje čoriba bare lovenge ko rpektia kote olendar barvalile"
Sebepi olengoro asavko aktiviteto me akana ladžava te vakerav kaj džanava len.
Asavke antiromane aktivitetia si thaj kerdo tari rig o Dorin Čoaba, Nortmund Rudevič, Gruia Bumbu thaj avera.
Odoleske si ma pativ kote realno thaj objektivno o Tradicionalno Romano Kriso ka čhivel agor akale manipulacienge thaj negativno aktivitetia so keren te barvaljoven ko dumo tari romani populacia.
„O Devel si baro thaj o vast e jurisdikciake si lungo thaj sakone šaj te resel" vakerela o Balog.
