Akava vikendi taro 01 - 03 septembro an o Helsinborg, Švedska ikergja pe i ničali Parlamentarno IRU sesia. Than lele 45 IRU membria taro 26 thema ko jekhto Parlamentarno IRU sesia startujngja intonacijaja tari Švediakiri thaj Romani himna.
Dengja pe thaj jekh minutakoro respekto mujal sa okola Roma so našavgje piro dživdipa thaj tari rig e hristiansko thaj katolikane pastoria thaj muslimansko persone dengje dove vash sukcesiali buti thaj progreso an i buti.
Počmingja o aktiviteto vash dende raportoa taro delegatia sar an o pire thema thaj sa okola so si kerde e internacionalno instituciencar sar so si o EVZ, Konsilo khangirengoro an i Ženeva WCC thaj o Ofisora taro IRU an i kolaboracia e UN-ea thaj o ofisoa an o Njujoprk, Ženeva thaj Viena.
Ko anava vash o Nujork piro raporto sine e Anatolij Butakov so barabutne si šerutno e Bari Fišerea, ko jekh kergja pe akcepcia vash o ofiso an i Ženeva taro Aguš Demirovski thaj te definirinel pe o timo taro IRU Ofiso an i Viena.
Vazdime si an o majučo nivelo i kolavoracia maškar IRU thaj WCC o Konsilo e lumiakere khangira thaj dengje akcepcia vash o raporto taro Memorandumi vash kolaboracia ko IRU thaj WCC.
Sar jekh taro ande decizie taro IRU delegatora si o Romano Kriso te formirinel Internacionalno Bordo taro Krisaria thaj te formirinen Kodekso vash i buti taro Romane Krisaria thaj te keren piro Statuto.
Ko jekh o IRU akceptiringja o raporto tari Komisia vash Demokratikani Transicia taro Gratan Puxon thja ola dengej akcepcia e Raportoske, thaj angje decizia kaj ko roko taro 6 masekoa i DT te formirinel Stručno Komisia te dikhel šaj li čače te organizirinel o Kongreso an o 2019 berš, jali te prolongirinel pe aso aver data
An o margine e aktiviteteske delegacia taro 10 IRU membrora - representoa sine an i akhardi visita thaj mitingo e dizjakere šerutnea taro Helsinborg o rajo Mats Sander.
