Sar akcenti ki lačhi komunikacia thaj kolaboracia maškar i Internacionalno Romani Unia -IRU thaj e Franciakiri Ambasada an i R. North Makedonia thaj O.E. Kristian Timonier ko 19 jučo akava berš ikergja pe dikhiba ki Franciakiri ambasada em kergje diskusia aso o aktiviteto e Romenge sar ki them agjaar em ko internacionalno nivelo.
Akava si fakti kaj e Franciakiri ambasada si putardi thaj hazri te del suporto aso sa kerde inicijative thaj akcie so kerel i Internacionalno Romani Unia ko agorutne berša.
Jekh olendar si kote e franciakoro govermento kalr sikavgja piro suporto prekal o Ambasadori O.E. Kristian Timonier ko agorutno Pralamentarno sesia taro IRU so ikergja pe ko 28 thaj 29 juni akava berš ko Skopje kana sine presentirime i inicijativa so palo odova sine andi decizia ki forma sar Resolucia te fundirinel pe Biathinalo ofiso - Romano Ombdusamni ko internacionalno nivelo.
Ko odova mitingo O.E. Kristian Timonier anglal sa o membrora em delegatora taro IRU, anglal o representoa taro Govermento kaj den suporto akale inicijativake so palo odova sine andi ki forma dokumento sar Decizia em Rezolucia sar hazri sate te funkcionirinel kaskoro ofisia ka oven ko Strazbur thaj Ženeva.
Ko jekh ko nevoformirimo ofiso trujal aver olakoro membro si thaj O.E. Kristian Thimonier.
Odoleske o IRU Presidento Zoran Dimov ko vakti taro eratutno dikhiba dengja jekh Plaketa -Šukrikerin ko anav taro IRU kote so tari rig e amabasadoreske Thimonier sine vakerdo ka džal majodorig pire dejbasuporto ko respektiriba fundamentalno manušikane niamia, maripa mujal i diskriminacia thaj eliminacia em phagiba o niamia e Romengere sar nacia sakone ki lumia.
