O IRU parlamento zojrakergja i tabela bašo finiširiba ko ikerba o avgo elektronsko votiba so si an i konekcia ko ikeriba o XI IRU Kongresi 2020 . Aso odova i aktivacia oficialno startujngja taro 15 septemvri 2019 berš.
Odova sikavel kaj sako jekh Rom so mangel te del piri vota- glaso valjani te registririnel pe odolea so ka bičhavel tari piri e mail adresa piro anav thaj teloanav o than dživdipaske ko e mail - Această adresă de email este protejată contra spambots. Trebuie să activați JavaScript pentru a o vedea.. I notacia - prijaviba e votorenge si dži ko 31 Januari 2020 berš.
Ji jekh sa okola so si zainteresirime baši kandidatura funkcia ko IRU trubul te bičhaven piro CV ki e mail adresa - Această adresă de email este protejată contra spambots. Trebuie să activați JavaScript pentru a o vedea. . Trujal o CV sa o kandidatia bašo IRU funkcie -pozicie trubul te bičhaven piri fotografia , thaj lil bašo lengoro aktiviteto thaj plano em prioriteto tari lengoro butikeriba.
O jandidatia bašo IRU pozicie -funkcie agorutno datumi si - 31 Decembro 2019 berš!
Taro tehnikano aspekto ko aluswaribaskoro proceso so si ki dujto faza sar so rodel i Demokratsko Komisia tari Tranzicia so si formirime an o 10-to IRU Kongreso ko 2016 berš.
I Intencija tari DT Komisia ko IRU si ko avutno periodi (masekoa te kerel pe progreso dži ko 10.000 potencialno votora aso o avutno mandato te ovel majbuvleste bašo ORU representoa ko buvlo aspekto.
Odoleske i DT Komisia akharel sa e aktiviston so kamen te konektirinel pe fiksno demokratsko normativo sar instrumento taro jekh buvlo mandati ko nacionalno Romano konektiriba te keren akava aktiviteto. Hulaven akaja informacia!. Motivirinen e tumare majpašen, amala aver romane aktivistoa kolege te keren piri registracia!
I idea si te kerel pe jekh zoralo Romano mandati tari romani nacia so o Roma so ka den piri vota ka oven sar romani buvli diaspora thaj ka ovel adekvatbo. I lista taro potencialno votona ka ovel kerdi bašo sako Rom ki lumia.
Odova si lačho akti te džal pe ko progreso so šaj anel e Romenge em e Romane naciake than maškar lumiakere familiarno nacie. Na salde than numaem politikano vota so ka ovel odokhar bari kobor so si em gende an i lumia em majbuvleste te šaj definirinen pe o avutne IRU membrora em funkcioneria kana sine kmerdo panda ko V-to IRU Kongreso tari Praga - Čehia ko 2005 berš.
Trujal o Jekhto Romano Kongreso ko 1971 berš o Kongresi ki Praga čhivgja o parametria. Akana te kera o avutno XI IRU Kongreso ko 2020 berš te ovel odova so ka ikerel lungo akala neve parametria.
Te dživdinel i Romani Nacia
Grattan Puxon - Šefi e Komisiake baši demokrtasko Tranzicia ko IRU.
